![](https://ejanakpurtoday.com/wp-content/uploads/2024/08/Sayyid_Badr_Sgh5WquUwC.jpg)
ओमानका विदेशमन्त्री सय्यद बद्र बिन हमाद बिन हमूद अल्बुसैदी नेपालको दुई दिने औपचारिक भ्रमणका लागि आज काठमाण्डौ आउँदै हुनुहुन्छ ।
उहाँ परराष्ट्रमन्त्री डा.आरजु राणा देउवाको निमन्त्रणामा दुई दिनका लागि काठमाण्डौ आउन लाग्नुभएको मन्त्रालयले जनाएको छ । भ्रमणको क्रममा दुई मन्त्रीबीच नेपाल–ओमान सम्बन्ध र अन्य विविध विषयमा भेटवार्ता तथा छलफल हुनेछ ।
ओमानका विदेशमन्त्रीले भ्रमणका अवसरमा राष्ट्रपति रामचन्द्र पौडेल र प्रधानमन्त्री केपी शर्मा ओलीसँग छुट्टाछुट्टै शिष्टचार भेट गर्नुहुनेछ । उहाँ भोलि मङ्गलवार स्वदेश फर्किने कार्यतालिका छ ।